Mai Hatene Kona-ba Ami
Histórikamente Escola Secundário Técnico Vocacional da Agrígola (ESTV) Horaiquic-Maubisse hahú instala no prossesu de aprendizajen iha loron 11 fulan Janeiro tinan 2016 to’o agora ho nia objetivo atu eduka fo’in sa’e sira ne’ebé ho vontade no hakarak rasik atu dezenvolve seitor Agrikultura liu husi edukasaun, ho pensamentu ida katak se la agora bainhira tan, no se la’os ita se tan.
Jornál Parede Dijitál
Jornál Parede Dijitál nu’udár plataforma media komunikasaun ho formatu dijitál, programa ne’e inklui introdusaun jornalizmu báziku iha eskola sira, enkoraja prátika hakerek, lee no kriasaun konteúdu dijitál hosi estudante sira. Jornál Parede Dijitál bele utilizadu atu hato’o informasaun ka notisiás, anúnsiu, no konteúdu relasiona ho atividades eskola.
Mensagem Husi Diretor Eskola ESTVA Horaiquic Maubisse
Ho grasa, tulun no domin Na’i Maromak nian ne’ebé fó mai ita hodi halo prosesu instalasaun ba web site eskola ida ne’e la’o ho di’ak no laiha dezafiu no obstákulu ruma hodi impede prosesu inísiu to’o remata. Web site ne’e hala’o ho funsaun importante hanesan meiu komunikasaun no informasaun entre eskola, estudante sira, inan-aman, no komunidade edukativu hotu n’ebé involve direta ba dezenvolvimentu eskola nian.
Instalasaun web site ne’e mós nu’udár parte husi esforsu hotu atu aumenta kualidade servisu edukasaun nian liu husi teknolojia informasaun. Nomós plataforma dijitál ida ne’e hodi fó sai informasaun sira kona-ba programa akademiku, ativadade eskola, no buat seluk ba públiku bele hetan asesu ho efisiénsia no transparénsia.
Ikus liu, Ha’u hakarak hatete obrigadu barak ba ema hotu ne’ebé fó ona kontribuisaun idea no hanoin sira ba iha prosesu ida ne’e, inklui ekipa tekniku, profesór sira, no Liu-liu Ministério da Educação ne’ebé iha hanoin di’ak ba instalasaun web site ne’e . Esperansa ha’u nian mak bele sai meiu ida ne’ebé útil atu sustenta dezenvolvimentu edukasaun iha tempu agora no iha futuru.
